哈囉！歡迎來到 Pet2Happy 部落格！呢度會分享一切寵物貓咪狗狗的小知識
大家好！我係Pet2Happy小編（由老闆暫代😂），我哋公司主要經營寵物用品代理業務，進口高級貓糧、狗糧、寵物玩具、寵物護理之類嘅貨品，成立呢個網店既目的係希望每一個品牌嘅所有產品都可以推廣到比大家。因為當我哋批發產品到門店及同行網店既時候，未必每一間零售商都會入齊品部的所有產品，所以為咗方便寵物主人可以了解到更多，我哋就膽粗粗開咗呢個網店。呢個部落格除咗會分享產品內容之外，我哋都會分享一啲飼養寵物既心得，亦都會為大家介紹一下純種犬、純種貓的挑選及飼養方法。
領養代替購買?
小編立場清晰，先諗領養，再去諗購買。我哋絕對支持領養寵物，但係都唔會抗拒購買，就以我哋自己為例，小時候我就很喜歡柴犬，對於黑色柴犬真係情有獨鍾，佢肥嘟嘟可愛嘅臉蛋真係令到我由心入面笑出嚟🥰，到有合適環境去飼養寵物之後，我就一心去領養一隻黑柴，可惜嘅係，完來一隻柴犬BB係好少機會可以領養得到。
當我和家人商量之後，本來打算打消諗頭，領養一隻唐唐BB，我哋都有去過大小不同領養日，希望挑選自己心儀既狗狗，到最後一步，我哋問自己最後一次，真係想養呢一隻狗狗嗎？要照顧佢一生一世。就係呢句說話，我哋就向目標，搵到我哋最愛嘅黑柴犬「壹壹」。
如果你現在打算飼養寵物，我希望你會先選擇領養，才選擇購買。
只要你已經盡咗力去找尋領養，心儀品種的欲望已經凌駕喺領養之上，購買寵物絕對沒有做錯，照顧寵物一生的人始終係你，無論任何情況，你都不可以棄養唷。
你對於呢篇文章有咩睇法？歡迎你留言一起討論。即刻睇吓有咩岩你寶貝寵物？
Comments